Guwahati, Rymphang:
U Justice Vijay Bishnoi ha ka Lah Sngi U Blei u la bamsmai kum u Chief Justice bathymmai jong ka Gauhati High Court. U Lat jong ka jylla Assam u Gulab Chand Kataria u la pynïaid ïa kane ka prokram jong ka jingpynbamsmai sha u Chief Justice uba thymmai, la ïathuh ka tyllong khubor.
U Myntri Rangbah jong ka jylla u Himanta Biswa Sarma, u Lamphang jong ka Assembly u Biswajit Daimary bad kiba bun kiwei pat ki riewpawkhmat ki la donlang ha kane ka prokram ba la pynlong ha Raj Bhavan, la bynrap ka jingthoh.
U Sarma, ha ka rynsan phah khubor ha ka X, u la ai ka jingkhublei ïa u Chief Justice uba thymmai. Hashwa ba un shah pynkiew kyrdan kum u nongbishar ha ka High Court, u Justice Bishnoi u la trei ha Rajasthan HC bad ha Central Administrative Tribunal ha Jodhpur.
