New Delhi, Rymphang:
U Myntri Rangbahduh u Narendra Modi ha ka jingai jingkren ha ïingdorbar u la kynthoh jur ïa ka liang pyrshah halor ki rukom ïeid jong ki ïa la ka jait ka kynja bad halor ka jingai pateng ïa ka jingsynshar ha ki pateng jong ki longïing bad ong ba kane ka i kumba ki dkhot jong ka liang pyrshah kin sah beit ha ka liang pyrshah.
“Phi shim ïa ka rai ban sah ha ka liang pyrshah…ki briew jong ka India kin sa ai jingkyrkhu ïa phi…” la ong u Myntri Rangbahduh.
Haba kren halor ki jingïai bteng jong ki kynhun ED bad CBI ïa ki jingleit khynra, u Myntri Rangbahduh u la ong, ”Ngi la pyndonkam ïa baroh ka pisa na ka bynta ki jingdonkam jong ki briew ki baduk bad kiba kyrduh. Ki briew kiba lute na ka ri kin sa hap ban pynphai ïa ka pisa. U Adhir Ranjan Chowdhuri uba long u nongïalam jong ka seng Congress u la ïohi ïa ka pisa ba bun ba la ïoh ban kurup na ka jylla jong u.”
Ki kynhun tohkit ki la shim ïa ka sienjam na ka bynta ban ïakhun pyrshah halor ka kam bamsap.
Ha ki shiphew snem ba la leit ha ka Parliament jong ngi, ki la don ki jingïakren bad jingïaphylliew jingmut halor ki kam klop tyngka bad ka ïingdorbar ka la dawa ba la dei ban pynshitom halor kane.
“Mynta, haba ïa ka jingpyntreikam la shim na ka bynta ban pynshitom pyrshah ïa kito kiba bamsap ki la don katto katne ngut ki briew kiba la pyrshah. Ha ki por jong ki, ki kynhun tohkit ki la shah pyndonkam kum ki atiar ha ki kam saiñ pyrthei,” la ong u shuh shuh u Modi.
