New Delhi, Rymphang:
U Myntri Sorkar Pdeng ba khmih ïa ka tnad kam pohïing bad Cooperation, u Amit Shah u la ong ba ka Sorkar u Modi ka la kut jingmut ban don ïa ki thaiñ khappud ki bym lah ban rung be-aiñ.
Ha ka jingthoh jong u ha ka rynsan lad pathai ‘X’, u Myntri kam pohïing u la ong, “La rai ban shna ïa ka jingker ha shilynter ka thaiñ khappud India bad ka Myanmar kaba 1643 kilomiter. Ban kham pynbha shuh-shuh ïa ka jingpeitngor, yn siangrong ïa ka lynti ïaid pahara ha shilynter ka thaiñ khappud.”
U Myntri kam pohïing u la bynrap, “Na baroh ka thaiñ khappud, la dep ban ker 10 km ha Moreh, Manipur. Shuh shuh, artylli ki ‘pilot’ projek jong ka jingker sainar shiah lyngba ka Hybrid Surveillance System (HSS) ka dang ïaid shaphrang mynta. Yn ker mar 1 km ha Arunachal Pradesh bad Manipur. Nalor kane, la mynjur ïa ka jingtrei ban ker sainar shiah 20 km ha Manipur, bad shen yn sdang ïa ka kam.”
