Nongstoiñ, Rymphang 07
Ka Shillong Lajong ka la jam sha ka semi final ha ka lympung ïalehkai Invitation Knockout Football Tournament 2023-24 ba la pynlong da ka New Nongstoiñ Sports Social & Cultural Club.
Kane ka la wan urlong hadien ba ka la lah ban pynliem noh ïa ka Meghalaya Police F.T da 2-0 kol ha ka jingïalehkai quarter final kaba saw kaba la long ha ka 6 tarik mynta u bnai ha madan New Nongstoiñ.
Kane ka jingjop jong ka Shillong Lajong ka la wan urlong lyngba ki kol u Colin uba la ïoh ban thep ha ka minit kaba 13 bad u Denzil ha ka minit kaba 28. Ïa ka nam Man of the Match la ïoh ban khur da u Colin.
