Shillong, Rymphang 07
Ka Merinda SC ka la long sa kawei pat ka kynhun ka ban ïoh rung sha ka final ha ka Under-16 Football League ba la pynïaid da ka Shillong Sports Association hadien ba ka la lah ban pynliem noh ïa ka Umphyrnai SC da 1-0 kol ha ka semi final kaba la long ha ka sngi Balang ha SSA Stadium, Polo.
Kane ka nam jop ka la wan urlong lyngba ka shi kol ba la thep da u Mabankitlang Mawlong ha ka minit kaba 42.
Kumta lyngba kane ka jingjop, ka Merinda kan ïaknieh ïa ka nam lahduh pyrshah ïa ka Shillong Soccer Scout ha ka jingïakhun final ka ban long ha ka Sngi Saitjaiñ.
Ka Shillong Soccer Scout ka dei ka kynhun kaba la jop ïa ka Mawreng SC da 1-0 kol ha ka semi final kaba nyngkong mynta ha ka sngi Ba-ar.
