Mawkyrwat, Rymphang 08
Ka kynhun ïalehkai jong ka Aphuyemi FC kaba na Nagaland kan ïakhun pyrshah ïa ka 7Wasa FC na Jowai ha ka ka sngi Saitjaiñ kaba dei ka jingïalehkai quarter final kaba khatduh jong ka lympung ïalehkai Mawlangwir Football Invitation Tournament 2023- 24 ha Rowell Lyngdoh Stadium, Saitsnad, Mawlangwir, SWKHD.
Ka Mawlangwir Sport Club, ka la pyntip ruh sha ki paidbah jong ka dong ka thaiñ ba ka dor bai tiket kan long T. 150 marwei bad kan sa don ruh ka jingai sngewbha ïa ki paidbah riew ïeit phutbol da kaba yn sa pynkhalai nusip ïa kitei ki tiket bad kiba jop kin ïoh ïa ka song pisa kaba T.10 hajar, T.5 hajar, T.3 hajar bad T.2 hajar tyngka
Kumta sa shisien pat, ka Mawlangwir SC ka khot bad wer ïa ki paidbah riew ïeit phutbol ka dong ka thaiñ ba kin wan ban sakhi ïa katei ka jingïalehkai ba itynnad ha katei ka sngi.
