Shillong, Rymphang 09
Ka lahduh ha ka pyrthei ka Nikhat Zareen bad ka Arundhati Choudhary ki la ïoh jingjop na ka bynta ban jam sha wat semi final ha ka rynsan ïakura jong ka 75th Strandja Memorial Tournament kaba la long ha Sofia, Bulgaria.
Ha ka jingïakhun quarter final kaba la long ha ka sngi Thohdieng, ka Nikhat (50kg) ka la lah ban pynliem noh ïa ka Lkhadiri Wassila na France ha ka jingkhia kaba 50 kilo da 5-0, katba ka Arundhati ka la lah ban pynrem ïa ka Matovic Milena na Serbia ha ka jingkhia kaba 66 kilo da ka jingjop kaba 5-0.
Te kumta ka Nikhat kan ïakhun pyrshah ïa ka Zlatislava Chukanova na Ri Bulgaria ha ka semi-final bad ka Arundhati kan ïakhun pyrshah ïa ka Triebelova na Slovakia. Ïa kine ki jingïakhun semi-final yn pynlong ha ka sngi Saitjaiñ.
Kham hashwa u Deepak (75kg) bad u Naveen Kumar (92kg) ki la jam sha ka quarter-final hadien ba ki la jop da 5-0 ia u Asankul Uulu Sultan bad u Voisnarovic.
