Islamabad, Rymphang:
Katkum ki khubor, la ong ba ka kynhun Islamic State ka la shim jingkit khlieh bad kam trai haba iadei bad 2 tylli ki kam thombor ba la jia ha ka Sngi Balang ha ka thaiñ Southwest jong ka Pakistan hashwa ka sngi ba ka Pakistan kan ioh ban pynlong ia ka ilekshon paidbah kumba la dep pynbeit. Na ka liang jong katei ka kynhun lehnoh ka la iathuh ba ki dkhot jongka ki la ioh ban pyndait da ki bom kiba khlaiñ ha ka thuk-thuk kaba la leit tur sha ka jaka ba ialum paidbah bad ka jaka ba la pynlong jingïalap ilekshon ha ka thaiñ Killa Saifullah jong ka nongbah Balochistan ha katei ka sngi.
Bad tang hadien khyndiat kynta, katei kajuh hi ka kynhun lehnoh ka la shim jingkit khlieh sa haba iadei bad kawei pat ka kam thombor bad ka jing pynbthei bom hapoh ka distrik Pishin ha katei hi ka sngi tang hadien khyndiat kynta jong katei ka jingbthei bom ba nyngkong.
