Moscow, Rymphang:
U President ka Russia, u Vladimir Putin haba iakren bad ki lad pathai khubor ha ka Sngi Palei bad haba la kylli ia u shaphang ka jingthmu jong ka Russia la ka don jingmut ne em ban leit hiar thma ia ka Poland lane ka Latvia, u la ong ba ka Russia kam shym don jingthmu bad kam don jingmut eiei ruh ban leit hiar thma ia ka Poland ne ia ka Latvia ruh hynrei ka Russia ka kwah tang ban jop ia ka thma ha Ukraine.
Na ka liang utei u nongbuh jingkylli jong ka tnat pathai khubor ha katei ka ngi, u la buh jingkylli ia u Putin bad ong ba ioh lehse phi lah ne em ban mutdur kaei ka ban jia lada kumno re kumno phi shu phah ia ki shipai jong ka Russia sha Poland ne Latvia, hynrei u Putin u la ong ba kata ka long ka bym lah ban long bad ka Russia kan nym leh ia kata da leilei ruh hynrei ka Russia ka kwah hi tang ban iakhun pyndep bad ka Ukraine kumba ka la sdang naduh kine ki snem ba la leit.
