Washington, Rymphang:
Ki pulit ki la iathuh ba uwei u nong India-America uba trei ha ka-wei ka dukan bam hapoh ka nongbah Washington jong ka United States bad uba la khlad noh tang hadien khyndiat sngi ba la lap ia ka met jong u nabar jong katei ka jaka bam ha ryngkat ki dak mynsaw kiba jur. Kane ka long hadien ka jingiakajia bad uwei pat u briew u bym don jing-ithuh.
Ia utei u briew la ithuh kum u Vivek Ta-neja, u long u nongshong shnong na Virginia bad la ong ba utei u runar ba don kti ha katei ka kam ruh u dei uba don jingiadei bad 2 tylli ki jakabam jong ki nong Japan ha ka 2 tarik jong une u Rymphang. La ong ba utei u suba don kti ha katei ka kam, u la shoh bad u la lah ban pynliem ia u Janeja haduh ba un da thiah madan bad u la tied bad sangah ruh ia ka khlieh jong u Taneja ha madan ha katei ka jaka ba ki iakhun para marwei.
Kane ka jingjia ka la long hadien ba ka US ka la sakhi ia shibun tylli ki jingshah pyniap jong ki nong India hapoh United States ha kine ki sngi.
U Taneja u la don 41 snem ka rta bad la ong ba ha katei ka sngi, u la mih na katei ka jaka bam ha ka por kumba 2 baje mynstep, ha kaba katei ka jing-iakhun jong ki ka la long ha katei ka surok ha katei ka por ba dang dum ka pyrthei-ka mariang bad ka long ruh ka por ba dang shu kylla step bad kumta ym shym la don ba iohi ne sakhi ia katei ka jingjia.
Kumta, utei u nong India u la shah shoh bad shah thombor kput ha utei u nong US kumba la suba da ki pulit bad u la thiah iapler ha katei ka surok habar ka dukan bam haduh ban da wan poi bad lap da ki pulit ia u na katei ka jaka, ha kaba ki la leit pynkit noh ia u mar-mar sha ka jaka sumar ha ryngkat ki jingmynsaw kiba jur bad kiba la ap jingma lypa ia ka jingim jong u naduh katei ka sngi.
Hynrei la ong ba utei u briew um shym lah shuh ban kyrda namar ka jingjur palat ki jingmynsaw bad jingshitom ha ka met jong u na katei ka jingshah thoh bad shah tied ha katei ka miet. Kumta u la khlad noh ruh tang hapdeng ki jingsumar hapoh jong katei ka hospital ba la pynkit ia u.
