Guwahati, Rymphang:
Ka seng Congress ha ka jylla Asam ka la rai ban ïakhun da kaba tyngeh ha ka ilekshon Lok Sabha ka ban sa wan.
U kyrtong jong ka seng Congress na Kaziranga Lok Sabha konstitwensi bad ka MLA barim ka Rosalina Tirkey ki la trei shitom na ka bynta ban ïakhun ïa ka ilekshon ka ban wan.
Ka seng Congress kan sa leit ban ïakynduh markhmat bad ki paidbah ha kane ka ilekshon Lok Sabha ban wan halor ban twad jingmut nalor ki jingeh ba ki briew ki ïakynduh la ka long ha ka jingkiew dor jong ki mar bad ka jingkyrduh kam. ïa kane ka bynta ba kongsan la kren da ka MLA barim ha ka sngi Thohdieng ha Golaghat.
Ka la ong shuh shuh ba ka Kaliabor bad mynta la tip kum ka Kaziranga Lok Sabha konstitwensi ka hap hapoh ka jingshah synshar ha ka seng Congress da bun snem. Ka Rajnila Tirkey, kaba long ka kyrtong jong ka seng Congress na Kaziranga konstitwensi, ka la dep ban sdang lypa ïa ka jingïalap ilekshon.
U nongïalam jong ka seng Congress u la ong ba wat lada ym don sorkar, ka jingsngew skhem jingmut bad ka jingshaniah jong ki paidbah ka dang don hangne na ka bynta ka seng Congress.
Ka Rajnila Tirkey ka la ong shuh shuh ba ka seng Congress ka la don jingthmu ban trei shitom na ka bynta ka jingïakhun ilekshon ha Kaziranga konstitwensi.
