Cuttack, Rymphang:
Ka National Green Tribunal (NGT) ka la thung ïa ka kynhun ka ban lum ïa ki jingshisha baroh ha kaba ïadei bad ka jingleit khmih bniah ïa ki jaka bret ñiut ha Temporary Transit Station (TTS) jong ka Bhubaneswar Municipal Corporation hajan Sainik School bad ban phah ïa ka kaiphot hapoh saw taïew.
Ka NGT ka la khmih bniah ha kaba ïadei bad ka jingthoh ba la buh jingmudui halor ka jingdon jong ka jaka bret ñiut kaba heh ha kaba ka la lang da ka ñiut kaba 54,000 tonne hajan Sainik School ha kaba kane ka la buh jingma haduh katta katta ïa ka koit ka khiah jong ki nongshong shnong.
U Harapriya Patel, uba long u nongshong shnong jong ka thaiñ Chandrasekharpur, u la phah ïa ka jingmudui ha kaba la phah shithi da ka Tribunal ha ki lad phah khubor ha kaba ïadei bad ka jingbuh jingmudui da ki riewshemphang kiba dei khmih ha ka liang ka koit ka khiah ha kaba ki la ong ba ka la don ka jingap jingma kaba khraw ha kaba ïadei bad ka jingdon jong kane ka jaka bret ñiut ha TTS.
Katkum ka jingïathuh ka tyllong khubor, la ong ba ki jingkhang ïing jong ka Sainik School bad Kendriya Vidyalaya ki la hap khang lut khnang ban lait na ka jingsma, ka jingiwtung bad ka jingpang kaba lah ban ktah na kane ka jaka bret ñiut kaba don ha ka jaka kaba don ha ka jingjngai kaba hapoh 100 metre, ha kaba kane ka la ong ka jingpynkheiñ ïa ki kyndon ba la buh.
Haba la khmih bniah na ki dur ba la pynmih ha ki lad phah khubor la ïohi ïa ka jaka bret ñiut kaba isaitmet hajan Sainik School”, la ong ka Tribunal, “la dei ban don da ka jingshim khia halor kane ka bynta, ha kaba la hap ban shimkhia na kab bynta ban wad ki lad ki lynti na ka bynta ban pynkhuid ïa u ñiut na katei ka jaka.
“Ka kynhun nongbishar jong u B Amit Sthalekar (Judicial Member) bad u Arun Kumar Verma (Expert Member) ka la ong, “Khnang ban lah ban weng noh ïa kane ka jingeh ha kaba ïadei bad kane ka bynta, ngi la shim ïa ka rai ban thaw noh da ka kynhun ka ban wad ïa ki jingshisha. Kane ka kynhuhn kan sa leit khmih bniah ïa kane ka jaka bad buh jingkylli bniah bad ban phah ïa ka kaiphot hapoh ki saw taïew halor ki sakhi ha kaba ïadei bad kane ka bynta.”
