Shillong, Rymphang 12
Ka 4ForALL Football Academy ka la long ka lahduh ha ka lympung ïalehkai 1st AFCAI U-11 Youth Cup 2024 hadien ba ka la lah ban pynliem noh ïa ka Mareng JR da 3-2 kol ha ka jingïakhun final kaba la long ha ka 9 tarik mynta u bnai ha Diengiong.
Ha katei ka jingïakhun final la ïadon lang u General Secretary ka Meghalaya Football Association (MFA) u Bah Sunesh Syiem bad ka Principal jong ka skul O.M Roy Memorial School Kong A Syiemlieh bad kiwei.
Kat kum ka kyrwoh la ong ba kitei ki ar tylli ki kynhun ki la ïoh rung sha ka lympung ïalehkai (national) ka ban long ha Punjab ha u Ïaïong mynta u snem.
