Shillong, Rymphang 12
Ka kynhun ïalehkai karate ka Jylla ka la wanphai ïing ryngkat 6 tylli ki takma ksiar, 9 tylli ki takma rupa bad 7 tylli ki takma rnong na ka lympung ïalehkai SEI-KOKAI All India Karate Championship 2024 kaba la long ha Talkatora Indoor Stadium, New Delhi.
Ha kane ka lympung kaba la pynlong ha ka 3 bad 4 tarik mynta u bnai, ka AMKA ka la phah haduh 29 ngut ki nongïalehkai kynthei bad shynrang hapoh ka jingïalam u Bah Donboklang Lyngdoh kum u coach bad u Arjun Sewa kum u manager.
Ki nongïalehkai kiba la khur takma ha kane lympung ki kynthup ïa ka Emika Deimaia Myrthong kaba la khur ïa ka takma rnong ha ka Cadet Girls Ind Kumite -57 Kg bad takma ksiar ha ka Cadet Girls Ind Kata. Ka Daya-langki Challam ka la khur ïa ka takma rupa ha ka Cadet Girls Ind Kumite -57 Kg, ka Aibiangmisaka Lyngdoh Mawphlang kaba la khur ïa ka takma rnong ha ka Cadet Girls Ind Kumite -52 Kg, katba ïa ka takma ksiar la khur da ka Daphishisha Shadap ha ka Cadet Girls Ind Kumite -48 Kg.
Ka Larisha Kurbah ka la khur ïa ka takma rupa ha ka Junior Girls Ind Kumite -59 Kg, ïa ka takma rnong la khur da ka Rebeka Nongspung ha ka Women Ind Kumite -55Kg. Ïa ka takma ksiar la khur da ka Durka Padit ha ka Women Ind Kumite -68Kg. Ka Phikerbha Kharbihkhiew ka la khur ïa ka takma rnong ha ka Women Ind Kumite -55Kg bad ïa ka takma rupa la khur da ka Saralin Rynghang ha ka Women Ind Kumite -55Kg.
Ka Eva Gracia Kharum -nuid ka la khur ïa ka takma rupa ha ka Women Ind Kumite -45Kg bad ïa ka takma rnong la khur da u Eric B Ryngnga ha ka Sub Junior Boys Ind Kumite – 40 Kg. U Athokpam Ethan S.Khawbung u la khur ïa ka takma rupa ha ka Sub Junior Boys Ind Kumite – 55 Kg, katba ïa ka takma ksiar la khur da u Nowni Mayer F Ryngkhlem ha ka Sub Junior Boys Ind Kumite – 55 Kg. U Nathaniel Jasper Thongni u la khur ïa ka takma rnong ha ka Sub Junior Boys Ind Kumite – 50 Kg.
Ïa ka takma rupa la khur da u Emmanuel B. Diengdoh ha ka Cadet Boys Ind Kumite +70 Kg bad u Shanderson Nongrem ha ka Junior Boys Ind Kumite-61 Kg. U Bha-wanchwadame Lyngdoh Mawphlang u la khur ïa ka takma rnong ha ka Junior Boys Ind Kumite +84 Kg bad ïa ka takma rupa la khur da u Kmenlang Shabong u rupa ha ka Men Ind Kumite -50Kg. Ïa ka takma ksiar la khur da u Davyson Khar-kongor ha ka Men Ind Kumite -50 Kg ryngkat bad u Ïalamphang Kharkongor ha ka Men Ind Kumite -75Kg. Ïa ka takma rupa la khur da u Glikerius Buhphang ha ka Men Ind Kata.
