Lucknow, Rymphang:
U Myntri Rangbah jong ka Uttar Pradesh u Yogi Adityanath u la pynbna ba ka jylla Uttar Pradesh shen kan sa long ka jylla kaba nyngkong ka ban don ïa 21 tylli ki Kad Liengsuiñ, ki ban pynpaw ïa ka jinglah pyntreikam jong ka sorkar ban wanrah ïa ki kam pynroi ha ka jylla.
“Ki la don ki jingpyntreikam ba la wanrah ha ka jylla, kynthup ïa ki jingshna ïa ki jingdonkam ba bun, ka jingpynbiang ïa ka um, ki bynta ba ïadei bad ki rukom leit jingleit lyngba na suiñ ha ka jylla. Ka Uttar Pradesh shen kan sa long ka jylla kaba nyngkong ka ban don da 21 tylli ki Kad Liengsuiñ,” la ong u Yogi hapoh Assembly.
U la ong shuh shuh ba u Myntri Rangbahduh u Narendra Modi un sa don bynta ha ka ban plie paidbah ïa ki Project kiba la kot sha ka T. 10 lak klur ha Lucknow ha ka 19 tarik, Rymphang.
“Ha kum kane ka por, ïa ka jingbei tyngka kaba T. 10 lak klur yn sa wanrah. Ha ka 19 tarik, Rymphang, ka prokram Ground Breaking Ceremony na ka bynta ban wanrah ïa ka T. 10 lak klur yn sa pynlong, ha kaba kane kan sa long shi bynta ka lad aikam-aijam,” u la ong.
U Yogi u la ong ba kine baroh ki la urlong na ka daw ba ka UP ka khlaiñ ha ka aiñ ka kanun, ka jingdon jong ka jingpynsuk ha ka ban leh ïa ki kam khaïi pateng, ka jingpyntreikam ka ban lah ban wanrah ïa ka jingïadei paralok na ka bynta ka jingbei tyngka, kawei ka rukom pyntreikam, bad ki jingleh jingkam kiba paw pyrthei.
