Shillong, Rymphang 13
Ka Laitkor SC ka la khur ïa ka jingjop ha ka lympung ïalehkai 1st Division Football League 2023-24 ba la pynïaid da ka Shillong Sports Association, hadien ba ka la lah ban pynliem noh ïa ka Umphyrnai SC da 2-0 kol
Kane ka nam jop ka la wan urlong lyngba u Ivangel Kharkongor bad u Euvasius Mawthoh na ka bynta ban khur ïa ki lai point.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang. Hynrei tang haduh shiteng kynta ka Laitkor ka la ïoh ban pynkhih jar nyngkong eh lyngba u Ivangel Kharkongor ha ka minit kaba 32.
Ka Laitkor ka la thep biang sa shi kol hashwa ban kut ka jingïalehkai lyngba u Euvasius Mawthoh ha ka minit kaba 85. Haduh kaba kut ka Umphyrnai kam shym la lah ban pynphai bad ka la mad ïa ka jingshah rem.
