London, Rymphang:
U Secretary ka tnat kam bar ri jong ka Britain- u David Cameron ha ki ar sngi ba la leit, u la kyntu jur ia ka Israel ba ka dei ban sangeh noh ia ka jingleit hiar thma sha Gaza khamtam hapoh ka nongbah Rafah. Kane ka long hadien ba ki shipai ka Israel ki la ther bom khlem sangeh ia katei ka thaiñ shi miet- shi miet bad ka long ruh ka jingma ia ka jingbym skhem shuh jong ka khyndew ka mariang nmar ka jingther bom kaba khlem sangeh bad khlem ailad shuh wat tang khyndiat ruh.
Kumta, u Cameron haba iakren bad ki lad pathai khubor hapdeng ka jingleit jurip jong us ha Scotland, u la ong ba ia mynta hi ka UK ka dap da ka jingsngew khia haba peit ia ka jinglong- jingman jong ka thma hapdeng ka Israel bad ki lehnoh Hamas hapoh Gaza namar ka khyndew ka mariang hapoh Gaza kam i-long shuh bad kam i don jingim shuh namar ka jingpynsniew bad jing pyn synjor jong ki bom ka Israel ha katei ka thma.
