Shillong, Rymphang 13
Ka Shillong Cricket Association kan sdang noh ïa ka lympung ïalehkai First Division Cricket League 2024 naduh ka sngi Balang ha kaba ka Lumpyngngad SCC kan ïakhun pyrshah ïa ka Donkin SCC.
Ha kane ka kyrdan ïalehkai ki don shiphew tylli ki kynhun ban ïa aireng kaba la phiah sha ar group. Ha ka Group-A ki long ka Lumpyngngad SCC, Khalsa Wariors, Nongkseh United, Masonic CC bd ka Donkin SCC. Katba ha ka Group-B ki long ka Malki CC, Matrisanga, Young Guns, Riatsamthiah bad ka Nongthymmai S&CC.
Ka jingïakhun ha ka sngi Palei kan long hapdeng ka Malki pyrshah ïa ka Matrisanga, kumjuh ha ka sngi Thohdieng kan long hapdeng ka Nongkseh United pyrshah ïa ka Masonic bad ha ka sngi Saitjaiñ kan long hapdeng ka Matrisanga pyrshah ïa ka Riatsamthiah.
