Ka Jaitbynriew jongngi ki Khasi ki shim jait na ka kmie ne kynthei ka bakla. Namar katkum ka ktien U Blei u Shynrang um long na ka kynthei hynrei na u shynrang keiñ. Kane ka pyni shai ba kum ka jaitbynriew ngi la ïaid beit na ka jingbuh u Blei. Ki kynthei kim lah ban pynroi ïa ka jait ka kynja, namar kim don symbai. U shynrang u dei uba ai symbai bad pynroi ïa ka jaitbynriew. Khlem u shynrang ym don ka jaitbynriew kaba kiew ha ka jingbun briew. U shynrang u lah ban shong-kha bun ngut ki kynthei ban pynroi ïa ka jait ka kynja bad ka jaitbynriew. Kumta ka shong hok ha ka jingshisha ïa u shynrang ban bat ia ka jait ka kynja ban neh ka jaitbynriew Khasi nylla. Hynrei ha ki kynthei ïa ki khun shi-piah ne ki khun bar jylla kum ki khun Phareng, Negro, China, Dkhar bad kiwei kiwei la pynlong jait Khasi ka bym ïa hap hangno hangno ruh kum ka dustur ka riti uba rim ba jah. Namar u Blei u la thaw nyngkong ïa u shynrang bad hadien ïa ka kynthei. Katba ha ngi ki Khasi u Blei u thaw nyng-kong ïa ka kynthei bad hadien ïa u shynrang. Kumta kane ka rukom kheiñ jait kheiñ kur ka bakla. Kumno ngin kheiñ kur kheiñ kha ïa ki khun nongwei bym dei Khasi ne ka snam Khasi ?
C. B. Iawphniaw
