Aizawl, Rymphang:
Sa ha kawei pat ka jingïohmad jingjop ha kaba ïadei bad ka jingïakhun pyrshah ïa ki kam khaïi beaiñ drok, la ong ba ki shipai ka tnat Assam Rifles bad ki Special Narcotics Police bad ka kynhun CID (crime) hapdeng ka jingïatreilang ha ka 13 tarik, Rymphang, ki la ïoh ban kurup ïa kumba 61.930 gms u Heroin ha Aizawl.
Haba la ïoh jingtip halor kane ka jingdon jong kine ki nongkhaïi drok, ka kynhun ba la ïatreilang hapdeng ki shipai Assam Rifles, Special Narcotics Police bad CID (crime) ki la pynlong ïa ka jingleit khynra ha kiba bun ki jaka jong ka thaiñ Durtlang Leitan ha Aizawl bad kurup ïa ki song jong u drok uba la kot sha ka T. 30,96,500.
Arngut ki briew ki la shahkem hadien ba ki la ïoh ban kurup ïa ki song jong u drok bad aiti sha ka kynhun Special Narcotics Police, CID (Crime), Aizawl, Mizoram ha ka 13 tarik, Rymphang na ka bynta ban leh ïa kaba donkam.
