Shillong, Rymphang 14
Ka Tournament Committee jong ka Mawlangwir Sports Club ka la pyntip sha ki paid riew ieit phutbol jong ka dong ka thaiñ ba la pynsangeh ïa ka jingïalehkai semi final jong ka Shillong Lajong FC bad ka KMC Sonapur FC.
Ka la pynpaw ba na ki daw bym lah kiar la pynsangeh noh shwa ïa ka jingïalehkai semi final na ka bynta ka wat kaba nyngkong (first leg) bad ka wat ba-ar (2nd leg) hapdeng ka Shillong Lajong bad ka KMC Sonapur.
Ïa ka wat kaba nyngkong la pynkynriah noh sha ka 9 tarik u Lber bad ïa ka wat kaba ar la rah noh sha ka 21 tarik Lber bad katba ka jinglehkai hadpeng ka Niaw Wasa bad ka Golden Lion kin neh kumjuh.
