Shillong, Rymphang 14
Ka Lawsohtun CC bad ka Metallica CC ki la ïoh jingjop ha ka lympung ïalehkai 3rd Division Shillong Cricket League ha ka sngi Balang ha madan Urkaliar, Shillong.
Ha kane ka jingïakhun ka Lawsohtun ka la pynliem noh ïa ka Shillong Sixers da 6 wiket. Ka Shillong Sixers ka la kam trai ban tied nyngkong ha kaba ka la kamai 100 run bad shah pynhap 10 wiket ha ki 18.5 over. U Shining u la tied 24 run na ki 30 bol bad u Meinam Amit Singh u la ïoh 20 run na ki 22 bol. Katba u Hilar Thabah bad u Cavin K. Wanñiang ki la khur mar 3 wiket.
Haba wan shimti ïa ka pali kaba ar, ka Lawsohtun CC ka la lah ban kynjoh sha ka thong bad kamai 102 run bad shah pynhap 4 wiket ha ki 15.4 over. U Greatestful Lyngkhoi u la tied 47 run na ki 39 bol bad u Hilar Thabah u la ioh 15 run na ki 25 bol. Katba u Sumeet Gurung u la khur 2 wiket bad ïa ka shi wiket la khur da u Evert Mawlong. Ïa ka nam Player of the Match la khur da u Greatestful Lyngkhoi.
Haba phai sha kawei pat ka jingïakhun kaba ar, ka Metallica CC ka la jop da 7 wiket ïa ka XI Stars CC. Ka XI Stars CC ka la shimti ban tied nyngkong ha kaba ka la kamai 137 run bad shah pynhap 10 wiket ha ki 19.4 over. U Sunil Kumar u la tied 47 run na ki 23 bol bad u Jason Wahlang u la ïoh 18 run na ki 25 bol. Katba u Vishal Das bad u Gurjit Singh ki la khur mar 3 wiket.
Haba wan shimti ïa ka pali kaba ar, ka Metallica ka la kynjoh sha ka thong da kaba kamai 140 run bad shah pynhap 3 wiket ha ki 17.1 over. U Pradeep Purkaystya u la ïoh ban khyrwit haduh 92 run na ki 64 bol bad u Tapan Das u la ïoh 10 run na ki 19 bol. Katba u David Isaacson u la khur 2 wiket bad ïa ka shi wiket la khur da u Aryan Sherestha. Ïa ka nam Player of the Match la khur da u Pradeep Purkaystya.
