Shillong, Rymphang 14
U nongïalehkai kriket jong ka Afghanistan uba tbit ha ka liang tied bad bol (all rounder) u Mohammed Nabi ha ka sngi Balang u la kylla long kum u rangïalehkai ba la rangbah na ka bynta ban bat ïa ka kyrdan ba hakhlieh duh jong ka ODI hadien ba u la lah ban pynkut noh ïa ka jingïai bat ba la slem bha da u Shakib Al Hasan ïa kane ka kyrdan.
Hynrei ym shym la don ka jingkylla ha ka jingïalehkai Test ha kaba u rangïalehkai ka ri u India u Jasprit Bumrah u la dangïai bat ban bat ïa ka kyrdan ba hakhlieh napdeng ki nongkawang bol.
U rangïalehkai ka ri India u Ravindra Jadeja, uba la wanphai ha ka jingïakhun kaba lai jong ka Test pyrshah ïa ka England ka ban sdang naduh ka sngi Palei, u danglong uba lamkhmat napdeng ki nongïalehkai (all-rounder) ha ka jingïalehkai Test.
U Nabi u la lah ban jam sha katei ka kyrdan kaba hakhlieh duh ka la wan hadien ki 136 run kiba u la lah ban ïalehkai bha ha ka jingïakhun kaba lai jong ka ODI na ka bynta ka Afghanistan pyrshah ia ka Sri Lanka, katba utei u rangïalehkai ba dang 39 snem ka rta u la lah ban khur wiket ha kane kajuh ka jingïalehkai na ka bynta ban jam shi kyrdan bad ban jam sha kaba hynñiew napdeng ki nongkawang bol ha ka ODI.
Ha ka rta kaba 39 snem shi bnai, u Nabi u la long uba la rangbah tam ban bat ïa katei ka kyrdan ba hakhlieh duh jong ka ODI ha ka ICC, da kaba u la lah ban pynpra ïa ka rekod ba la bat da u Tillakaratne Dilshan, uba ha ka rta kaba 38 snem 8 pbnai u la la ïoh bat ïa ka kyrdan ba hakhlieh ha u Jylliew jong u snem 2015.
U rangïalehkai (all-rounder) ka Bangladesh u Shakib u la ïoh ban bat ïa katei ka kyrdan na ka bynta ki 1739 sngi kata naduh ka 7 tarik u Jymmang jong u snem 2019 ha ka por ba u la lah ban knieh noh na u Rashid Khan, haduh ka 9 tarik u Rymphang.
