Shillong, Rymphang 15
Ka Malki SC ka la pynliem noh ïa ka Matrisangha lyngba ka DLS Method da 72 run na ka bynta ban khur ïa ka jingjop ha ka lympung ïalehkai First Division Shillong Cricket League ha ka sngi Palei.
Ha kane ka jingïakhun, ka Malki SC ka la shimti shwa ban tied nyngkong ha kaba ka la kamai 238 run bad shah pynhap 10 wiket ha ki 38 over. U Ronnie McDonald Nongbri u la ïoh ban khyrwit haduh 101 run na ki 92 bol bad u Heimon Lyngdoh u la tied 38 run na ki 29 bol. Katba u S. Subedhi u la khur 5 wiket bad ia ki 3 wiket la khur da u Ravi Sunar.
Haba wan beh ïa ka thong, ka Matrisangha ka la kamai tang 152 run bad shah pynhap 10 wiket ha ki 31.4 over. U Snehal Dutta u la tied 42 run na ki 61 bol bad u Mintu Medhi u la ïoh 25 run na ki 36 bol. Katba u Heimon Lyngdoh u la khur 5 wiket bad ïa ka shi wiket la khur da u Apjalson Marweiñ. Ïa ka nam Man of the Match la khur da u Heimon Lyngdoh.
