Agartala, Rymphang:
Ki shipai jong ka Assam Rifles ki la ïoh ban kurup 434 kilo u Marijuana ha Tripura uba la kot sha ka T. 1.736 klur ha ka 14 tarik, Rymphang. Ka jingpyntreikam ka la long ha General Area Churaibari, kaba hap hapoh ka jingkhmih jong ka Churaibari Police Station, kaba ha North Tripura District.
Ka jingkhynra ka la long hadien ba la ïoh jingtip halor kane ka jingjia, ha kaba kane ka la pynlong ïa ka kynhun jong ki shipai ka tnat Assam Rifles bad ki pulit jong ka Churaibari Police Station ba kin leit sha katei ka thaiñ ban leit pynlong ïa ka jingkhynra.
Ïa u drok la lap ba la thep ha ki song hapoh kawei ka trok, ha kaba la ñiah da u nongkhaïi drok uba la shahkem. Ïa kine ki drok ba la ïoh ban kurup, la aiti sha ki pulit jong ka Churaibari Police Station na ka bynta ban pynlong ïa ka jingtohkit kaba bniah.
