Shillong, Rymphang 15
Ka shi kol ba la thep da u Freestar Kharbangar ka la biang pura ïa ka Mylliem SC ban ïasam mar shi point ha ka jingïakhun pyrshah ïa ka Mawkhar SC ha ka lympung ïalehkai 1st Division Football League 2023-24, hadien ba ki la ïakhaid mar 2-2 kol ha ka sngi Palei.
Utei u rangïalehkai shakhmat u la lah ban pynurlong ha ka minit kaba 67 hadien ba ka Mawkhar ka la tam da 2-1 kol.
Haba phai sha kane ka jingïakhun kaba la long ha SSA Stadium Polo, ka Mawkhar ka la ïoh ban pynkhih jar nyngkong eh lyngba u Rickyshan Warjri ha ka minit kaba 18, hynrei ka Mylliem ka la lah ban pynïakhaid kylla lyngba u Tirot Kharbangar ha ka minir kaba 30.
Ha ka kylla miet ka Mawkhar ka la ïoh ban thep biang ïa ka kol kaba ar ha ka minit kaba 51 lyngba u Khrawpyrkhat Marweiñ, hynrei tang hadien 16 minit ka Freestar u la lah ban pynphai na ka bynta ka Mylliem na ka bynta ban ïakhaid mar 2-2 kol. Haduh kaba kut kine ki kynhun kim shym la lah shuh ban thep kol bad ki la kut ha ka jingïakhaid.
Lyngba kane ka jingïakhaid, ka Mylliem ka dangïai sah ha ka kyrdan balai bad kamai 7, katba ka Mawkhar ka dangsah ha ka kyrdan ba shatrai lem bad ki 2 point na ki san sien ïakhun.
Kumba ka long mynta ka Nongrim Hills ka dangïai bat ia ka kyrdan ba hakhlieh da kaba kamai 12 point na ki saw sien ïakhun, katba ia ka kyrdan ba-ar la bat da ka Laitkor kaba la khur 9 point.
Ha ka jingïalehkai ha ka sngi Thohdieng kan long hapdeng ka Nongrim Hills SC pyrshah ïa ka Lawsohtun SC ha ka por 2:45 janmiet.
