Shillong, Rymphang 16
Ka Lawsohtun Sports Club ka la khur ïa ka jingjop ha ka jingïalehkai jong ka lympung First Division 2023 ïa kaba la pynïaid da ka Shillong Sports Association (SSA) hadien ba ka la lah ban pynliem noh ïa ka Nongrim Hills Sports Club ha ka jingïalehkai kaba la long ha ka sngi Thohdieng ha First Ground, Polo.
Haba phai sha kane ka jingïalehkai, ka Lawsohtun ka la lah ban pynliem noh da 2-1 kol ïa ka Nongrim Hills bad ïa kine ar tylli ki kol ka Lawsohtun la ïoh ban khyrwit da u Peter Lyngdoh ha ka minit kaba 34 bad u Phyrnai Langstieh ha ka minit ba 74. Katba ïa ka shi kol jong ka Nongrim Hills la ïoh ban thep da u Glenny Lynrah ha ka minit kaba 42.
Lyngba kane ka jing-jop, ka Lawsohtun ka la kamai 7 point na ki 5 tylli ki jingïalehkai bad kiew ha ka kyrdan kaba saw, katba ka Nongrim Hills ka dang neh ha ka kyrdan kaba nyngkong na ki 12 point ba ka la khur na ki 5 tylli ki jingïalehkai.
