Shillong, Rymphang 16
U rangïalehkai shakhmat ka Newcastle United u Callum Wilson u la don hapdeng ka jingshah sumar na ka bynta ka shadem bad kane ka lah ban pynlong ïa u ban duh ïalehkai ïa ki jingïalehkai ba dang sah jong kane ka aiom.
Une u rangïalehkai ka England uba la 31 snem ka rta, u la mad ka jingshitom ka dohksah ha ka jingïakhun ba ka Newcastle ka la jop ïa ka Nottingham Forest da 3-2 kol ha ka Premier League.
U Wilson haduh mynta u la khyrwit 8 kol na ki 22 tylli ki jingïalehkai bad kane kan ktah shibun ïa ka Newcastle lada um lah ïalehkai.
