Shillong, Rymphang 18
Ka Young Guns CC ka la pynliem noh ïa ka Nongthymmai da 3 wiket na ka bynta ban khur ïa ka jingjop ha ka lympung ïalehkai First Division Shillong Cricket League ha ka Sngi U Blei ha madan Polo.
Ha kane ka jingïakhun, ka Nongthymmai ka la kam trai ban tied nyngkong ha kaba ka la kamai 131 run bad shah pynhap 10 wiket ha ki 32.3 over. U Shyam S. Pichar u la tied 38 run na ki 42 bol bad u Ranjit K.R Rai u la ïoh 15 run na ki 25 bol. Katba u Mewankitbok M. Kharpuri u la khur 4 wiket bad 3 wiket la khur da u Angkit Tamang.
Haba wan shimti ïa ka pali kaba ar, ka Young Guns ka la lah ban kynjoh sha ka thong da kaba kamai 132 run bad shah pynhap 7 wiket ha ki 38.5 over. U Raja Khongwir u la tied 39 run na ki 51 bol bad u Bishes Chettri u la ïoh 30 run na ki 61 bol. Katba u Ram Najiar u la khur 3 wiket bad ïa ki 2 wiket la khur da u Kunal Lama. Ïa ka nam Man of the Match la khur da u Mewankitbok M Kharpuri.
