Shillong, Rymphang 18
Ka Seng Samla Umshing Mawkynroh dang ha kine taïew ka la ïoh ban pynkut noh ïa ka Winter Games ba la pynlong na ka bynta ki nongshong shnong.
Ka jingpynlong ïa ka Winter Games da ka Seng ka long ruh kum shi bynta ban wanrah ka jingithuh ithaw bad ka jingïajan hapdeng ki nongshong shnong.
Ha kane ka Winter Games, ka SSUM ka la ïoh ban pynlong ki jingïalehkai bapher bapher kum ka jingmareh Marathon, Arm wrestling, Caroom board, ka jingïakop rwai, jingïakop shad, fancy dress bad la pynkut da ka Miss bad Mr Mawkynroh.
Ïa ka nam Miss Mawkynroh la jop da ka samla Steffeny Wahlang, kyrdan ba-ar la ïoh da ka samla Larisa Kurbah bad ba lai la ïoh da ka samla Valareen Kharmawlong, katba ïa ka nam Mr Mawkynroh la jop da u samla George Wahlang, ba-ar la ïoh da u Lang Rangslang bad balai la ïoh da u Fabian Kharmawlong.
Ïa kane ka Winter Games la pynhap pyrda noh ha ka 3 tarik Rymphang 2024 bad ha kane ka sngi la iadon lang ki nongïalam ka durbar shnong Mawkynroh, seng kynthei, Registrar na NEHU, Luitenant OM Singh, riew shimet bad ki nongshong shnong ka Mawkynroh.
