Agartala, Rymphang:
U Myntri Rangbah jong ka Tripura u Manik Saha u la pynpaw ka jingsngewnguh ïa u Myntri Rangbahduh u Narendra Modi bad ïa u Myntri jong ka sorkar kmie uba dei khmih ïa ka tnat pule-puthi u Dharmendra Pradhan na ka bynta ka jingmang ïa ka pisa kaba T. 20 klur ban ai jingkyrshan halor ki jingthmu ban pynbiang ïa ka ïaid ka ïeng ne ka leit ka wan ha MBB University.
Ïa kane ka pisa la pdiang da ka tnat pule-puthi jong ka sorkar kmie kum shi bynta ban pyntreikam ïa ka Prime Minister Uchahatar Siksha Abhiyan (PM-USHA) ha ka ban pynbiang ki surok kiba don ha ki 78 tylli ki skulbah kiba don ha kylleng ki jaka jong ka ri, kynthup ka MBB University.
Ha ka jingphah khubor lyngba ka rynsan phah khubor, u Myntri Rangbah u Saha u la pynpaw ka jingsngewnguh ïa u Myntri Rangbahduh duh u Modi bad ïa u Pradhan halor ka jingai jingkyrshan, ka jingai buit bad bor na ka bynta ban nang pynkhlaiñ shuh shuh ïa ka jingtreikam ha ka ban pynbha ïa ki surok jong ka MBB University.
