Shillong, Rymphang 20
Ka Lumpyngngad ka la ïoh jingjop ha ka lympung ïalehkai First Division Shillong Cricket League hadien ba pynliem ïa ka Masonic CC da 74 run.
Ha kane ka jingïakhun, ka Lumpyngngad ka la kam trai ban tied nyngkong ha kaba ka la kamai 204 run bad shah pynhap 10 wiket ha ki 36.2 over. U Chandan Shah u la tied 39 run na ki 41 bol bad u Abhay Kr Rai u la ïoh 26 run na ki 19 bol. Katba u Bhuwan Thapa u la khur 4 wiket bad ïa ki 2 wiket la khur da u Victor Deb.
Haba wan beh ïa ka thong, ka Masonic ka la kamai tang 130 run hadien ba ka la shah pynhap 10 wiket ha ki 34.1 over. U Bikash Chettri u la tied 28 run na ki 39 bol bad u Kishan L. Sharma u la ïoh 24 run na ki 31 bol. Katba u Vishal K. Balmiki u la khur 4 wiket bad ïa ki 3 wiket la khur da u Rajib Ray uba la ïohpdiang ïa ka nam Player of the Match.
