Ka rukom jied Rangbah Shnong ha ki shnong bapher bapher da kaba shu ïa phiah briew bad rah kti kam long shuh kaba khuid mynta ki por kumba long ha ki por mynshuwa. Mynta ka la dei ka por ban shu ïa thep vote (sacret ballot) kumba leh ïa ki nongmihkhmat paidbah kum ki MDC /MLA bad kiwei kiwei. Namar ka rukom jied da kaba shu ïa rah kti ka ai lad ïa uno uno uba don spah bad uba don ha ka bor ban jop suk. Kiba riew paidbah kim ioh lad shuh ban ïeng ïaleh ne contest ïa ka kam Rangbah shnong namar ki lah ban nym ai lad wat ban thep kyrteng ruh. Ka juk mynta ka la shai bad la stad ym ban shu ïa bud matlah ïa kane ka dustur rah kti ha ka rukom jied ïa u Rangbah Shnong. Ka la dei ka rukom ban pynkylla namar ka la rim palat bad kaba shah rkhie beiñ ha ki paidbah nongshong shnong kiba la shai. Kumta ka la dei ka por ïa baroh ki shnong hapoh ka Bri u Hynñiewtrep ba ki dei ban jied ïa u Rangbah shnong da kaba khuid ba suba ban lait na ka jingïapeit khmat hapoh shnong hapoh thaw. Ki bor ba dei peit kum ka District Council ruh ka dei ban ai lad ïa ki paidbah ban leh da ka mon sngewbha bad kaba bha tam na ka rukom jied ïa ki Rangbah shnong bad kiwei kiwei.
C. B. Iawphniaw
