Nongstoiñ, Rymphang 20
Ka kynhun ïalehkai jong ka Shillong Lajong FC kan ïakhun pyrshah ïa ka Blue Bomber’s ha ka semi final kaba nyngkong jong ka lympung ïalehkai Invitation Knockout Football Tournament ba la pynïaid da ka New Nongstoiñ Sport Social & Cultural Club (NNSSCC).
Na ka liang ka NNSSCC ka la pyntip ba kane ka jingïakhun semi final kaba nyngkong hapdeng kine ki ar tylli ki kynhun kan long ha ka 22 tarik mynta u bnai ha ka por 2 baje janmiet ha ka madan ïalehkai jong ka shnong New Nongstoiñ.
Kumta na ka liang jong ki nongpynïaid ka NNSSCC sa shisien ka khot bad wer ïa ki paidbah riew ïeid phutbol ba kin wan ban sakhi da la ki jong ki khmat ïa katei ka jingïakhun bad kin don ruh ki khusnam na ka bynta ki paidbah nongwan peitkam lyngba ki lucky draw.
