Shillong, Rymphang 20
Ka kynhun ïalehkai phutbol jong ka Jylla kan pynkhreh ban ïakhun pyrshah ïa ka Services ha ka lympung ïalehkai 77th Santosh Trophy ka ban long ha ka step jong ka sngi Balang ha nongbah Itanagar, Arunachal Pradesh.
Kane ka kynhun ïalehkai hapoh ka jingïalam u Khlaiñ Pyrkhat Syiemlieh bad kaba la wan ha ka kyrdan ba-ar ha ka aïom ba la dep ka long ba la pynkhreh na ka bynta kane ka jingïakhun jong ka wat kaba khatduh bad ka la khmih lynti ban ïalehkai bha kumba ka la lah ban pynurlong mynshem snem.
Kumba ka paw ka Meghalaya ka dang don ïa ki rangïalehkai kiba la ïalehkai ha u snem ba la dep kum u Sheen Stevenson Sohktung, Dawanchwa Carlos Challam, Damonlang Pathaw bad Brolington Warlarpih kaba kynthup lang ruh ïa ki rangïalehkai kiba thymmai bad kiba la ïalehkai na ki klob shabar Jylla.
Nalor ka Services, ka Meghalaya kaba don ha ka Group-A, kan hap ban ïakhun pyrshah ruh ïa ka Arunachal Pradesh, Goa, Assam, Kerala.
Ki rangïalehkai ka Meghalaya ki kynthup ïa u Robert Khongjoh, Lionel Daryl Rymmei, Brolington Warlarpih, Wanbok -lang Lyngkhoi, Babysunday Marngar, Lukas Syngkli, Damonlang Pathaw, Sheen Stevenson Sohktung, Nelson Rymbai, Baiaikara Swer, Dawanchwa Carlos Challam, Donborlang Nongkyn-rih, Banskhemlang Mawlong, Chester-poul Lyngdoh, Dawwanplielad Myrch-iang, Shaiborlang Kharpan, Kitboklang Pale, Nikelson Bina, Dameki Khongstia, Overkindness L. Mawnai, Siwel Rymbai bad u Daraphun Talang.
Ki kyrteng ki rangïalehkai ka Services ki long u Pardeep Kumar, Vivekananda Sagayaraj, Zothanpuia, Vijay J, P. Christopher Kamei, Somesh Kothari, Bikash Thapa, Boinao Singh, Shamsher Singh, Jijo Jerone, Usham Robinson Singh, Thingnam Bidhya-sagar Singh, Chanambam Samananda Singh, Shafeel P.P, Lethaolen Khongsai, Jijo F, Shubham Rana, , Robinson R, Rahul Ramakrishnan, Samir Murmu, Sayad Bin Abdul Kadir bad u Gagandeep Singh.
Kane ka jingïakhun kan sdang ha ka por 10 baje mynstep ha Golden Jubilee Outdoor Stadium kaba ha Yupia, Arunachal Pradesh.
