Guwahati, Rymphang:
Kum shi bynta ban pynthymmai ïa ka Inland Water Transport (IWT) Sector bad ban pynkhlaiñ ka jingïadei bad ïajan ha ka thaiñ shaphang Shatei-lam-Mihngi, u Myntri ka sorkar kmie uba dei khmih ïa ka Ports, Shipping and Waterways, u Sarbananda Sonowal u la plie paidbah ïa ki Project kiba la kot sha palat T. 254 klur ha Pandu Port kaba don ha Guwahai ha Assam.
U Sonowal kumba la pynbeit, u la plie paidbah ruh ïa ka Passenger-cum-Cargo Terminal ha Bogibeel kaba don ha Dibrugarh distrik ha Assam kaba la kot sha ka T. 46.60 klur, ka IWT Terminal ha Sonamura ha Sipahijala distrik kaba ha Tripura kaba la kot sha ka T. 6.91 klur, bad ban pynthymmai ïa ki Terminal kiba ha Karimganj bad Badarpur ha kaba ka la kot sha ka T. 6.40 klur.
Ha ka por ba la don ka prokram, u Myntri u la pynbna ruh ïa 6 tylli ki jaka sangeh lieng ne jhad kiba don ha kiba bun ki jaka ha ka wah River Brahmaputra kiba la kot sha ka T. 8.45 klur,19 tylli ki lieng ki ban kit ïa ki nongleit jingleit na ka bynta ka National Waterway-2 bad ka National Waterway-16 kiba la kot sha ka T. 25 klur, ka jingpynïar shuh shuh ïa ka jaka sangeh lieng, kiba don bad ki jaka treikam bad ka jaka ban ïada ïa rudwah kaba la kot sha ka T. 30 klur.
Nalor kine, la plie ruh ïa u mawnongrim na ka bynta ka Inland Waterways Authority of India’s (IWAI’s) Dhubri Office Complex kaba la kot sha ka T. 7.50 klur.
