Shillong, Rymphang 21
Ka Malki Sports Club ka la khur ïa ka jingjop ha ka lympung ïalehkai First Division Football League 2023-24, hadien ba ka la pynliem noh ïa ka Mylliem SC da 3-1 kol ha ka sngi Balang ha SSA Stadium, Polo.
Kane ka nam jop ka la wan urlong lyngba u Maxcimilando Tariang uba la ïoh ban thep ar kol na ka bynta ban pynlong ïa katei ka kynhun ban khur ïa ki lai point.
Ha kane ka jingïakhun ka Mylliem ka la ïoh ban pynkhih jar nyngkong eh lyngba u Janhameshwa Marngar ha ka minit kaba 11. Hadien katto katne por ka Malki ka la lah ban pynphai kylla lyngba u Maxcimilando ha ka minit kaba 27.
Hadien shiteng kynta ka Malki ka la thep biang ïa ka kol kaba ar lyngba u PynKhlain Nongrum ha ka minit kaba 35. U Maxcimilando u la thep biang sa shi kol ha ka minit kaba 40 na ka bynta ban tam da 3-1 kol ha ka kylla step.
Wat la kine ki kynhun ki la pyrshang ban iakhun ha ka kylla miet, hynrei haduh kaba kut jong ka jingialehkai kim shym la lah shuh ban thep bad ka Malki la khur syndon ia ka jingjop.
Lyngba kane ka jingjop ka Malki kaba la don ha ka kyrdan balai, ka la kamai 10 point na ki hynriew sien ïakhun, katba ka Mylliem ka dangïai sah ha ka kyrdan basan bad kamai 7 point.
