Imphal, Rymphang:
Ha ka por ba dang don ka jingkhmih bniah na ka bynta ka jingshngaiñ jong ki nongshong shnong kiba la dap da ki jingtieng-jingsyier, ki shipai jong ka tnat Assam Rifles ki la siat da bun sien da ki bom 51 mm HE Mortar bomb na ka bynta ban pynher krad ïa ki riewkieng atiar ne ïa ki lehnoh ha Manipur ha ka Lah Sngi U Blei, la ïathuh ki heh pulit.
Ki shipai Assam Rifles ki la pynkhreh na ka bynta ban ïakhun ha kawei ka lyngkha kba jong ka Pukhao Naharup kaba hap hapoh ka jingkhmih jong ki pulit ka Sagolmang kaba don ha Imphal East distrik ha kaba ki la siat da ki bom ba khlaiñ bor ha ki jaka lum ha Sachang ha ka por 11:30 jong ka step lah sngi U Blei.
Kane ka jingsiat bom ka la long kum ka jingpynphai kylla pyrshah ïa ka kynhun jong ki riewkieng atiar kiba la siat pyrshah ïa ki nongshong shnong jong ka Phukhao, Naharup, Shantipur, bad Tejpur ha ka por 10 baje mynstep ha ka lah sngi U Blei.
Kiba bun na ki nongshong shnong kiba shong basah ha kine ki shnong ki la phet shnong naba ki sheptieng na kane ka jingsiat jong ki riewkieng atiar hadien ba ka la don ka jingïakynad kaba jur hapdeng ki jait bynriew Meitei bad Kuki kaba la sdang naduh ka 3 tarik, Jymmang jong u snem 2023.
