Vijayawada, Rymphang:
Kumba la mut lypa la ong ba ka jingpynshitom kan sa nang jur na ka bynta kito ki briew kiba dih buaid ha ki jaka paidbah bad kiba buh jingeh ïa ki riewpaidbah, la ong u Superintendent of Police (SP) jong ka Bapatla u Vakul Jindal.
Hapoh kane ka jingpyntreikam, ki pulit ka distrik ki la pynlong ïa ka jingleit khynra kaba kyrpang ban khanglad ïa kito ki briew kiba dih buaid ha ki jaka paidbah kiba don ha kylleng ki jaka jong ka Bapatla distrik. Nalor kane, ki pulit ki la pynlong ruh ïa ka jingpahara ha ki jaka ba hap hapoh ka jingkhmih jong ki pulit bad buh jingmudui pyrshah ïa ki 12,799 ngut ki riewpynkheiñ aiñ hapoh ka jingtreikam jong ki kyndon kiba hapoh ka IPC Section, kynthup ïa ki 387 ngut ki briew ha ka por ba la don ka jingkhynra ba la pynlong ha ka miet jong ka Sngi U Blei.
U Vakul Jindal u la ong, “Kumba la ïathuh ka tyllong khubor kaba la wan na ki heh pulit, la ong ba kiba bun na ki jingjia takhuh kali ha ki surok ha kane ka distrik ka dei na ka daw ka jingñiah kali jong ki briew kiba la dih buaid, ha kaba kane ka buh jingma ym tang ïa ka jingim jong ki, hynrei khamtam ïa kiwei pat. U la hukum ïa ki heh ba dei khmih ba ki la dei ban pynlong ïa ka Vehicular Inspections bad ban leh ïa ka Drunk and Drive Test. U la kyntu ïa ki riewpaidbah ba ki la dei ban ïatreilang bad ban pyntip sha ki pulit lada ki ïoh jingtip ei ei shaphang kine baroh.
