Shillong, Rymphang 22
U Pacer Ollie Robinson u la shah kynthup hapoh ka kynhun ïalehkai jong ka England na ka bynta ka jingïalehkai Test basaw pyrshah ïa ka India ha Ranchi ka ban long ha ka sngi Thohdieng, bad kane kan long ka sien kaba nyngkong ba un ïadon bynta ha kane ka jingïakhun.
Une u rangïalehkai ba la 30 snem ka rta, u la ïalehkai khatduh na ka bynta ka England ha ka jingïalehkai Test pyrshah ïa ka Australia kaba la long ha u snem ba la dep ha Headingley ha kaba u la ïoh ban ïalehkai tang 11.2 over ha shwa ba un ngat ha ka jingmynsaw.
U Robinson u la ïoh ban mih bujli ha ka jaka u Mark Wood, uba la ïoh ban ïalehkai ar sien ha kane ka jingïalehkai Test pyrshah ïa ka India.
Ha kawei pat ka liang u Shoaib Bashir u la ïoh rung sha ka thup jong khatwei ngut ki rangïalehkai, hadien ba u la ïoh ban mih bujli ha ka jaka u Rehan Ahmed.
U Bashir, uba dang 20 snem ka rta, u la ïoh ban ïalehkai ar sien pyrshah ïa ka India ha Visakhapatnam.
Kumba ka paw ka England ka la shah rem haduh 434-run ha ka jingïalehkai Test kaba lai, na ka bynta ban tam da 2-1 ha kane ka jingïakhun ka ban neh haduh san sien.
Ka jingïakhun kaba san bad kaba khatduh kan long ha ka 7 tarik u Lber ha Dharamsala.
Ki rangïalehkai ka England ki kynthup ïa u Ben Duckett, Zak Crawley, Ollie Pope, Joe Root, Jonny Bairstow, Ben Stokes (capt), Ben Foakes, Ollie Robinson, James Anderson, Shoaib Bashir bad u Tom Hartley.
