Chennai, Rymphang:
U Myntri Rangbah jong ka Tamil Nadu u MK Stalin u la ong ba ym kum ka sorkar kmie hapoh ka jingïalam jong ka seng BJP, kaba u la pynshisha ba ka la long pyrshah ïa ki nongrep, ka sorkar DMK ka la mynjur ban pynbiang ïa ki jingdonkam na ka bynta ban ai jingkyrshan ïa ki nongrep ha ka jylla.
Ha ka jingthoh kaba la phah sha ki nongthoh khubor, u Stalin u la ong, “Kane ka mang tyngka kam ïahap bad ka kaiphot ba la phah ha kaba ïadei bad ka jingkiew jong ka ïoh ka kot.”
Ha ka jingkren jong u halor ka mang tyngka kaba long halor ka rep ka riang, u Stalin u la ong ba ka sorkar ka la trei shitom na ka bynta ban pynïoh biang ïa ka khyndew kaba sboh.
“Ban ïada ïa ka jingtuid ei jong ka khyndew bad ban pynïoh ïa ka koit ka khia jong ki briew, ïa ka skhim ba la wanrah kaba la nam kum ka Chief Minister’s Mannuyir Kaathu Mannuyir Kappom Scheme (CM MK MKS) la dep ban pynbna.”
U la ong ruh ba ka jingpynbna ïa ka Kalaignarin All Village Integrated Agricultural Development Programme ka la don jingthmu na ka bynta ki kam pynroi ha ki 2400 tylli ki shnong kiba don ha ka jylla.
Ha ka jingpynïanujor hapdeng ka seng BJP kaba lamkhmat ïa ka sorkar kmie bad ka sorkar DMK ha ka jylla, u Stalin u la ong ba ka sorkar kmie ka la phah ïa ka khubor kaba sngewkyndit ïa ki nongrep da kaba pdiang ban pyntreikam ïa ki lai tylli ki aiñ kiba long pyrshah ïa ki nongrep bad ka la pyndam noh hadien ki jingïakhih bajur jong ki nongrep da kumba shi snem shiteng.
