Vijayawada, Rymphang:
U Myntri Rangbah jong ka jylla Andhra Pradesh u YS Jagan Mohan Reddy un sa thep pisa da kumba T. 78.53 klur kum ka jingïarap pisa hapoh ka jingtreikam jong ka YSR Kalyanamasthu bad ka YSR Shaadi Tohfa beit beit sha ki Bank Account jong ki 10,132 jur, kiba la ïathoh ha u bnai Risaw haduh Nohprah jong u snem 2023.
Ka sorkar jylla ka la pynbiang pisa sha ki longkmie-longkpa ki baduk khnang ba kin lah ban leh bha ha ka jingïathoh ki khun hadien ba ki la dep pule.
Ïa kane ka jingïarap pisa la pynbiang lyngba ka Kalyanamasthu na ka bynta ki kynthei kiba shah kynthup ha ka BC, SC, ST bad kiba don jingduna dkhot met bad na ka bynta ki longïing jong ki nongshna ïing ne kiwei pat, bad na ka bynta ki khynnah kynthei kiba wan na ki jait bynriew rit paid lyngba ka Shaadi Tohfa.
Ïa kane ka jingïarap la pynbiang da kaba shu ñion ïa u budam ba la buh hajan ka jaka treikam jong u Jagan ha kaba ka jinglut baroh halor kane ka la kot sha ka T. 427.27 klur haduh mynta.
Ki la don kumba 56,194 jur ki shi kurim kiba la ïoh jingmyntoi. Ka sorkar ka la pyntreikam ïa ka skhim Kalyanamasthu bad Shaadi Tohfa na ka bynta ka jingbha jong baroh ar kata jong ka bad u nongleit kurim ha kaba ki la dei ban pass ïa ka klas 10.
Ka nongleit kurim ka la dei ban kot sha ka 18 snem ka rta bad u nongleit kurim sha ka 21 snem ka rta, la ïathuh ki heh sorkar.
