Mawkyrwat, Rymphang 23
Ka kynhun ïalehkai jong ka Golden Lion FC kan ïakhun pyrshah ïa ka ñiaw Wasa FC ha ka semi final (wat ba nyngkong) jong ka lympung ïalehkai Mawlangwir Football Invitation Tournament 2023-24 ka ban long ha ka 26 tarik mynta u bnai ha Rowell Lyngdoh Stadium, Saitsnad, Mawlangwir.
Ka Mawlangwir Sport Club, ka la pyntip ruh sha ki paidbah jong ka dong ka thaiñ ba ka dor bai rung kan long ` 150 marwei bad kan don ruh ka jingai sngewbha ïa ki paidbah riew ïeit phutbol da kaba yn sa pynkhalai nusip ïa kitei ki tiket bad ruh ka jingpynkhalai nusib ha kaba ki nongjop kin ioh da ka kali Maruti bad ki song pisa. Kumta sa shisien pat, ka Mawlangwir SC ka khot bad wer ïa ki paidbah riew ïeit phutbol ka dong ka thaiñ ba kin wan ban sakhi ïa katei ka jingïalehkai.
