Guwahati, Rymphang:
Ki la don arngut ki khynnah kynthei kiba la jah na Mariani kaba don ha Jorhat distrik jong ka Assam kiba la shah pyllait im, la ïathuh ka tyllong khubor.
Katkum ka jingïathuh jong ka tyllong khubor, la ong ba ki dkhot jong ki longïing jong kine ki khynnah kiba la jah ki la lap ïa ki na Bihar.
Na ka jingïathuh ka tyllong khubor, la ong ba kine ki khynnah ki la shah pyllait katba ki dang leit jingleit na Bangalore. Kumba la ïathuh ka tyllong khubor, la ong ba kine ki khynnah kiba la jah ki la leit phai sha Siliguri kaba don ha West Bengal ha ryngkat ki bahaïing jong ki.
Ki bahaïing jong kine ki khynnah ki la ïathuh ba kam shym la don kano kano ka jingai jingïarap sha ki da ki pulit ha kaba ïadei bad kane ka jingjia.
Haduh ba la thoh ïa ka khubor, la ong ba ym pat lah ban tip tikna shaphang kine ki khynnah kiba la jah haduh mynta.
Ha basdang une u bnai, ki la don kumba lai ngut ki khynnah ïa kiba la tip kyrteng kum ka Anushka Koch, kaba dei ka nongshong shnong jong ka Kalyanpur no. 1 bad ka Gayatri Sutia, kiba dei ka nongshong shnong jong ka Kalyanpur no. 2, ki la jah ha ka 12 tarik, Rymphang.
Shuh shuh la ïathuh ba ka jingjah jong lai ngut ki khynnah kynthei la ïoh jingtip ba ka la jia ha kajuh ka jaka khyndiat por hadien jong ka jingjia kaba la jia hashwa.
Ka tyllong khubor ka la ïathuh ba ïa kine ki khynnah kiba la jah la tip kyrteng kum ka Sweety Sarkar kaba la 16 snem ka rta, ka Bidya Sarkar 11 snem ka rta bad ka Harshita Basak kaba la 17 snem ka rta.
Ha kaba ïadei bad kine ki jingjia, ki pulit ki la ïoh ban pyllait noh ïa lai ngut ki khynnah ïa kiba la ïoh jingtip ba ki la jah naduh ka sngi Saitjaiñ jong ka taïew ba la lah.
