Shillong, Rymphang 25
Ka Australia ka la jop ha ka jingïakhun jong ka lympung T20 pyrshah ïa ka New Zealand kaba la long ha ka Sngi U Blei ha madan Eden Park, New Zealand.
Haba phai sha kane jingïalehkai kaba 3 jong kane ka lympung T20, ka Australia kaba la tied nyngkong ka la kamai 118 run bad hap 4 wiket na ki 10.4 over hynrei ym shym la lah ban bteng shuh ïa ka jingïalehkai namar ka jingpynthut jong u slap.
Kumta haba la pynduna noh ïa ka over na ka bynta ka New Zealand, kaba la ïoh tang 10 over ban tied, ka la lah ban tied 98 run bad hap noh 3 wiket, kata ban shah liem noh da 20 run.
Lyngba kane ka jingjop, ka Australia ka la lah ban pynliem noh ïa ka New Zealand ha baroh 3 tylli ki jingïalehkai T20 kaba ki la ïakhun.
