Bhubaneswar, Rymphang:
Ha ka por ba ka sorkar Odisha ka la pynshisha ba u khaw ba la shet ym shym la kit ha ka por ba biang da ka Food Corporation of India (FCI), ka sorkar kmie ha kine ki khyndiat sngi ka la pyntip hapoh Rajya Sabha ba ka jylla ka la phah da kumba 22.48 lak tonne u khaw pyrshah halor ka jingthmu ban phah da 36.36 lak tonne naduh u Nohprah 2022 haduh u Kyllalyngkot 2024.
Kumjuh, ka jylla ka la phah tang 1.06 lak tonne u khaw pyrshah ïa kaba la mut da 3.25 lak tonne ha ka por ba la dei ka aïom ot jong ki jingthung kiba mih ha ka por Lyiur jong u snem 2023-24, naduh u Nohprah , 2023 haduh u Kyllalyngkot, 2024.
Ïa kane la pyntip da u Myntri khynnah uba dei khmih ïa ka Consumer Affairs, Food and Public Distribution u Niranjan Jyoti ha ka jingai jubab halor ki jingkylli ba la buh da u MP jong ka seng BJD u Manas Mangaraj.
U Myntri shuh shuh u la ong ba 53.85 lak tonne u khaw Custom Milled Rice (CMR) la dep ban phah da ka sorkar jylla ha ka aïom ot jong u snem 2022-23 kaba dei ka song jong ka sorkar haduh u Kyllalyngkot, 2024, ha kaba na kane 44.18 lak tonne ka la long da ka ja.
