Shillong, Rymphang 26
Ka lympung ïalehkai First Division Shillong Cricket League ba la pynïaid da ka Shillong Cricket Association ka la nangjam shaphrang ha kaba ka Lumpyngngad SCC ka la khur ïa ka jingjop, hadien ba ka la lah ban pynliem noh ïa ka Khalsa Warriors da 51 run ha ka lah sngi U Blei ha madan Polo.
Ha kane ka jingïakhun, ka Khalsa Warriors ka la ailad shwa ïa ka Lumpyngngad ba kan tied nyng-kong ha kaba ka la kamai 195 run bad shah pynhap 10 wiket ha ki 38.1 over. U Rajib Ray u la tied 36 run na ki 32 bol bad u Rohit Kumar Rai u la ïoh 35 run na ki 68 bol. Katba u Sanju Nahar u la khur 3 wiket bad ïa ki 2 wiket la khur da u Sawan Singh.
Haba wan beh ïa ka thong, ka Khalsa Warriors ka la kamai tang 144 run hadien ba ka la shah pynhap 10 wiket ha ki 31.2 over. U Rahul Singh u la tied 47 run na ki 56 bol bad u Aditya Mahala u la ïoh 21 run na ki 19 bol. Katba u Vishal Kumar Balmiki u la khur 6 wiket bad ïa ki 2 wiket la khur da u Abhay Kumar Rai. Ïa ka nam Man of the Match la khur da u Vishal Kumar Balmiki.
