New Delhi, Rymphang:
U Myntri Rangbahduh u Narendra Modi un sa leit jngoh ïa ka jylla Tamil Nadu ha ka 27 tarik bad ka 28 tarik, Rymphang na ka bynta ban ïashim bynta ha ki prokram jong ka sokar bad kumjuh ki prokram jong ka seng ha Tiruppur, Madurai, Thoothukudi, bad Tirunelveli distrik.
U Modi un sa poi ha Sulur Airport na Thiruvananthapuram ha ka por 2.05 janmiet ha ka 27 tarik, Rymphang. Un sa leit sha Palladam na ka bynta ban don bynta ha ka jingïalang paidbah ban pynlong da ka kynhun Tiruppur Wing jong ka seng BJP.
Ka kynhun ba dei khmih halor kane ka bynta, ka la buh ïa kiba bun ki jaka ban pynlong ïa ki jingïalang ha kaba kawei na kine ka dei kaba la don ha ka jaka kaba palat ïa 1,200 akar ka jingheh ha ka shnong Madappur.
Ka jingpynkut ïa ka prokram jong u President jong ka seng BJP ha ka jylla u K Annamalai ba la tip kum ka En Maan En Makkal Padayatra ruh kan sa long ha kane ka jaka.
