Shillong, Rymphang 27
Ka Donkin SCC ka la khur ïa ka jingjop ha ka First Division Shillong Cricket League hadien ba ka la lah ban pynliem noh ïa ka Masonic CC da 138 run ha ka sngi Ba-ar ha madan ïalehkai kriket kaba ha Polo, Shillong.
Ha kane ka jingïakhun, ka Donkin ka la kam trai ban tied nyngkong ha ba ka la kamai 218 run bad shah pynkhyllem 9 wiket ha ki 40 over. U Rohit Rai u la tied 86 run na ki 96 bol bad u Md. Maksodul Chaudhary u la ïoh 30 run na ki 59 bol. Katba u Niraj Rana bad u Victor ki la khur mar 3 wiket.
Haba wan beh ïa ka thong, ka Masonic CC ka la kamai tang 80 run hadien ba ka shah pynhap baroh wiket ha ki 23.4 over. Kane ka la wan lyngba ka jingïalehkai bha u Rohit Rai uba la ïoh ban pynhap haduh 7 wiket bad u Terry Dkhar u la khur 2 wiket. Hynrei u Kishan Lal Sharma u la tied 18 run na ki 26 bol bad u Amarnath Sharma u la ïoh 15 run na ki 55 bol. Namar ka jingïalehkai bha, u Rohit Rai u la ïohpdiang ïa ka nam Player of the Match.
