Tel Aviv, Rymphang:
Ha kane ka por, la ong ba u Myntri Rangbahduh ka Israel- u Benjamin Netanyahu u la pynksan ia ka jingleit hiar thma jong ka Israel pyrshah ia ki lehnoh Hamas kiba don hapoh ka nongbah Gaza, da kaba ai daw ia ka jingshah rahbor ka khyllung 4 snem- ka Abigail Edan, kaba long ka nong America bad kaba la ioh pyllait noh na ka kti ki Hamas ha u Naiwieng mynshem snem.
La ong ba ki lehnoh Hamas ki la rahbor ia katei ka khynnah sha Gaza hadien ba ki la dep ban pyniap bad thombor ia ki kmie-kpa jong ka ha ka jingleit hiar thma pyrshah ia ka Israel ha ka 7 tarik u Risaw mynshem snem.
Hynrei, la ong ba utei u nongialam ka Israel ha kane ka por u la shu pynksan bad ai daw ba ka jingleit thombor ba khlem sangeh jong ka Israel ia ka Gaza ka long na ka bynta katei ka khyllung kaba la kylla khunswet bad kaba la shah rahbor dusmon ha kitei ki lehnoh Hamas. Nangta, u la ong ruh miet la bad sngi um ju lah khlem da pyrkhat ia ka jingiakynduh jong katei ka khyllung 4 snem bad um lah khlem da jaw ummat ban pyrkhat na ka bynta ka jingeh ba katei ka khyllung ka hap ban mad namar ka jingleh dusmon jong kitei lehnoh Palestine, bad kumta ruh um banse ban pynhiar kput ia kitei lehnoh namar ka jingleh kput naduh kaba sdang jong ka thma.
